გლობალიზებული სოფელი / მშობლიური ფსკერი

მსოფლიო....: ერთი მთლიანი სოფელი თუ ჭური ან შავი ზღვის ფსკერი.. 21-ე საუკუნე ... ისე იმეორებენ თითქოს 221-ე იყოს...

... სად შეგვიძლია .... არა touchscreen-იან ტელეფონზე კი არ ვამბობ რამეს ..
ძალიანაც მომწონს მარა.... ყველას ხო არ აქვს ეგ ტელეფონი.... იცი ალბათ უფრო ვის არ ექნება?? აი იმათ.. შიმშილით რომ კვდებიან... რამდენი არიანო რა ეწერა....(?).... აა ხო 25 ათასამდე ადამიანი.... ხო არ გგონია წელიწადში ...აარა.. დღეში! .....
.... თითქოს ძალიან ადვილია ნებისმიერი ინფორმაციის მიღება... ოპაა უცბათ გადარეკე-გადმორეკე, დაგუგლე ან ჩართე ტელევიზორი... ათასი გზაა.. მარა რა.. ინფორმაცია ერთია და სიმართლე მეორე.. ეს კაკტუსის მოვლის წესებს ან ძაღლის სწორ კვებას არ ეხება რა თქმა უნდა (მადლობა ღმერთს) ..მაგრამ რჩება კიდევ რაღაც- რაღაცეები.. აი ისეთი რაღაცეები ჩვენ ცხოვრებას რომ ცვლის, შიგნით მნიშვნელოვან ... თანაც ძალიან მნიშვნელოვან საკითხებს რომ წყვეტს.. ყველა გადაწყვეტილებაზე რომ მოქმედებს და კიდევ იმაზე შვილს როგორ და რა ღირებულებებით გაზრდი...
..ცოტა გაუგებრად ვწერ .. აშკარად ვხვდები.. გარედან უკვე ჩიტების ჭიკჭიკი თუ ჟღურტული მესმის და ალბათ ამიტომ... წარმომიდგენია როგორ გამიჭირდება დაძინება.. .. . ხო რას ვამბობდი... სამწუხაროა და გულისამაჩუყებელიამეთქი რომ არავინ არაფერი არ ვიცით.... ხო .. გულის აჩუყებაზე რა გითხრათ მაგრამ ეს გრძნობა... აი ხომ იცით..რაღაცნაირი.. ჭიანჭველის ფეხად რომ გაგრძნობინებს თავს... (კარგია თუ არ იცით)... ხოდა ეგ გრძნობა ნერვების მომშლელია ძალიან... მაგრამ რეალისტი ვარ ბუნებით (!:) და ვეგუები.. აბა რო არ შევეგუო რა ვქნა.. ხელები გავშალო და დიდი სცენიდან ხალხს მოვუწოდო; “თვალები გაახილეთ ხალხნო! გვატყუებენ!! ყველანი გატყუებენ!”და თვალებიდან ცრემლები წამომივიდეს...? და მერე სანამ გინების კორიანტელი დამეწევა გამოვასწრო..?:) მეც ვფიქორბ რომ არა.. ..

.... ფარდები გადავწიე ...ვერ ვიტან რომ თენდება ესე სწრაფად და დაძინებას არ მაცდის! ხოდა იმას ვწერდი რომ ზღვის ფსკერზე ვცხოვრობთმეთქი .... ძალიან ღრმად ..მაგრამ მაინც კარგია... კარგი კიარა გადასარევი! იცით რა?? რომ არ ვიხრჩობით!:)) ჰაჰა:) მე რეალისტი კიარა ოპტიმისტი ვყოფილვარ!:)

google სამყარო

ვერ დავთვლი დღეში რამდენჯერ შევდივარ საძიებო პორტალზე google და რამდენ ჩემთვის საჭირო და საინტერესო ინფორმაციას ვნახულობ. დაgoogleვა უკვე ისეთივე პროცესი გახდა როგორც ჭამის წინ ხელების დაბანა და ძილის წინ ფეხსაცმელების გახდა (!:P) ყველა ადამიანმა ვისაც ინტერნეტი გაუგია იცის, რომ რომ google მას ცხოვრებას ყოველთვის გაუმარტივებს... მკითხველმა კი ალბათ ის ვერ გაიგო რა აზრი აქვს ამ ყველაფრის წერას და რატომ მოვყევი google-ის ქება დიდებას. ვეცდები ავხსნა.

... ვთქვათ რომელიმე ქვეყანაში (სულერთია) კომპიუტერთან ზის ერთი ცნობისმოყვარე ...მოცლილი ან სამყაროს შემეცნებით შეპყრობილი ადამიანი და ცდილობს google-ით ინფორმაცია მიიღოს. საიდანღაც გაუგია რომ არსებობს პატარა საქართველო ევროპისა და აზიის საზღვარზე, ამიტომ გრაფაში სიტყვა “Georgia”- ს კრეფს... ასეთი ძიება სირთულეებთან არის დაკავშირებული, ნახევარზე მეტი ინფორმაცია ამ დროს ამერიკის შტატ ჯორჯიაზე მოიძებნება. ცნობისმოყვარე უცხოელი არ ნებდება და აგრძელებს: ამჯერად google -ში ასეთ ფრაზას წერს ...”People in Georgia”........ და ჰოი საოცრებავ..... ტრადიციულ სამოსში ჩაცმული ქართველები! საქართველოს სხვადასხვა ულამაზესი კუთხეები! კავკასიონის მწვერვალები და ქართველი ალპინისტები! გუდაური და მოთხილამურე ადამიანები! აყვავებულ ბათუმის ბულვარში მოსეირნე ხალხი! რომელ ჭკუათამყოფელს არ მოუნდება აქ ჩამოსვლა და საქართველოს ნახვა!... მაგრამ რამე ხომ არ შემეშალა.. მგონი ჩვენს უცხოელს სულ სხვა სურათი დახვდა...

... ....ეს ფოტოები მხოლოდ პირველ გვერდზე იყო. არც მე და ალბათ არც იმ უცხოელს მეორეზე გადასვლის სურვილი არ გაუჩნდება და მგონი არც “დალოცვილ ივერიაში: ჩამოვა არასდროს. ... ტელევიზორში კი ხანდახან სიტყვა ტურისტებს ახსენებენ ხოლმე.. თუმცა მგონი ეგ ჩვენ არ გვეხება. სად საქართველო და სად ტურიზმი... უი არა ეგ სხვა გამოთქმაა....

1 ბავშვი... ყოველ 5 წამში!

სანამ მე ამ წინადადების დაწერას შენ კიდევ წაკითხვას დაამთავრებ სადღაც აფრიკაში ბავშვი დაიღუპება. დაიღუპება შიმშილისგან ან დაავადებისგან, რომელისგანაც ჩვენი შვილები აცრილები არიან. მიუხედავად იმისა რომ მესამე მსოფლიოს ქვეყნებს წამყვანი სახელმწიფოები გულისხმიერად უწევენ დახმარებას მონაცემები, რატომღაც წლიდან წლამდე უარესდება. 

გაზეთებში წერენ და ტელევიზორში აცხადებენ: როგორ გამოიყო მილიარდები განვითარებადი ქვეყნებისთვის, როგორ გაეგზავნათ მოშიმშილეებს ჰუმანიტარული დახმარება, საჭმელი, მედიკამენტები, ტანსაცმელი. როგორ ეძებენ მსოფლიოს პირველი პირები და ორგანიზაციები გამოსავალს.. თუმცა საბოლოოდ მაინც ვერ პოულობენ. შემდეგ ყველას ისევ პირადი და საკუთარი ქვეყნის პრობლემები ახსენდება და ამ დროს კიდევ იღუპება ბავშვი შიმშილისგან ... სადმე .....მაგალითად მადაგასკარზე.. ნამდვილად მადაგასკარზე?? მულტფილმში ეს არ ჩანს.... 

მალავის მაცხოვრებლებს საარსებოდ დღეში დაახლოებით ერთი დოლარი აქვთ. ამ დროს შენ გაიფიქრე რომ საქართველოშიც ძალიან ბევრი გაჭირვებულია?? ძალიან ბევრს აქაც არა აქვს პურის ფული...?.. სწორი დაკვირვებაა. 


ფორბსის სიის მიხედვით გალენ ვესტონი ყველაზე ღარიბი მილიარდერია, 5 მილიარდით ის მხოლოდ მეასე ადგილზე აღმოჩნდა, მისი ოჯახის ბიზნესი Aსსოციატედ Bრიტისჰ Fოოდს უკვე 50 წელზე მეტია რაც ადამიანების გამოკვებაზე ზრუნავს.. არა, ოღონდ იმ ადამიანების არა ვინც შიმშილობს, ისინი ხომ შემოსავლის წყაროს არ წარმოადგენენ. ვინც შემოსავლის წყარო ვერ გახდება ის კარგი და იაფი მუშა ხელია. ეს კორპორატიული აზროვნება ჩვენს ქვეყანას დიდი ხანია გადმოსწვდა და იმპერიალისტური გეგმებიც უკვე განხორციელდა. მესამე მსოფლიოს ქვეყნების მსგავსად ჩვენც არაერთხელ მოგვისმენია და გვინახია რამდენი მილიარდი გამოყვეს ჩვენთვის, რამდენი გაჩერებული გაუქმებული ქარხნები, საწარმოები შეისყიდეს იმისთვის რომ აამუშაონ, რამდენი ტერიტორიები შეიძინეს რომ გააშენონ. მიუხედავად ამ დიდსოლოვანი, არაერთი საქციელისა ამ ფაქტების გამო სიხარულს ცოტა თუ გამოხატავს. ალბათ იმიტომ რომ ყველას გვესმის -- ვალი, რომელიც ქვეყანას დაედო ისევ ჩვენი გადასახდელია.  
"ჩვენ უფლება არა გვაქვს, ჩვენს მომავალ თაობებს გაყიდული საქართველო დავუტოვოთ” ასეთ გამოძახილებს ხშირად გაიგებს ადამიანი.. თუმცა დასაფიქრებელია გაყიდული საქართველოს დატოვების უფლება არ გვაქვს თუ გაყიდვის უფლება არ გვქონდა... რთული საკითხია და არც მის განხილვას აქვს აზრი. 


ოფიციალური წყაროებიდან 2008 წლის 30 სექტემბრის მდგომარეობით საქართველოს საგარეო ვალი 2 მლრდ 324 მლნ 908 ათას აშშ დოლარს შეადგენს. 

ქვეყნები ; ამერიკის შეერთებული შტატები, ავსტრია, ჩინეთი, გერმანია..... 

ორგანიზაციები: ევროგაერთიანება, განვითარების საერთაშორისო ასოციაცია, მსოფლიო ბანკი, ევროპის რეკონსტრუქციისა და განვითარების ბანკი, საერთაშორისო სავალუტო ფონდი.. 

ეს იმათი მოკლე ჩამონათვალია ვისიც გვმართებს.. და ვის გაუგია ვალი პროცენტის გარეშე..  


პატრიოტი ქართველები გამოსავალს ქვეყნის სიყვარულში ხედავენ და რაოდენ სამწუხაროა რომ ასეთი დიდებული იდეები საბოლოოდ უცილობელ მარცხს განიცდიან.  

ჩვენი მსგავსი ქვეყნების არაერთ მაგალითზე ( ეკვადორი, პანამა, ბოლივია,) დასკვნების გამოტანა რთული არ არის.. საქართველო ვერ გაბრწყინდება იმ მიმართულებით როგორც ეს ბევრს წარმოუდგენია... ვალს ვერავინ გადაიხდის...
და რა ხდება როცა ვინმე ვალს ვერ აბრუნებს.. ის ფუფლოა..?? არა მსოფლიო არენაზე ასე არ არის... 

დიდი ხანი არკვევდა საზოგადოება და ვერ გაარკვია გაყიდა თუ არა ბენდუქიძემ ტყეები და მდინარეები, თუმცა აქ მთავარი გამოგვრჩა-ამას მნიშვნელობა არა აქვს. ვალის სანაცვლოდ კრედიტორს დიდი არჩევანი აქვს. ქვეყნის რესურსების და სისტემების პრივატიზაცია მას რა თქმა უნდა არ ავიწყდება. ისიც ახსოვს რომ საკუთარი სამხედრო ნაწილების გავარჯიშება აქ ყოველთვის შეუძლია, მხარდაჭერაზე საუბარი ზედმეტია. თავისთავად უხერხულიც არის როცა მევალეს ვალს ვერ უბრუნებ და ამ დროს ცუდათ მოიხსენებ.


 

ზემოთხსენებული სიტუაცია მგონი კარგად ნაცნობი და გასაგებია , გაუგებარი მხოლოდ ის არის როდემდე შეიძლება ადამინმა ტყუილში იცხოვროს. როდემდე შეიძლება ჰქონდეს ფუჭი იმედი, როდემდე შეიძლება იცავდეს იმას რაც მას აღარ ეკუთვნის და როდემდე უნდა აძლევდნენ მას ცრუ დაპირებებს. ...

ისევე როგორც არაერთი ქვეყანა დიდი ხანია საქართველოც იპერიის ნაწილია. იმ იპერიის რომელიც ჯერ ანადგურებს, მერე ეხმარება, შუალედში კი ძალიან დიდ შემოსავალს ნახულობს. ...........



ბლოგის პირველი არტიკლი ამით მთვარდება, თუ თავიდან ბოლომდე წაიკითხე ესე იგი საშუალოდ 3 წუთი დაგჭირდა, ამ დროში კი სიღარიბისგან და შიმშილისგან 36 ბავში დაიღუპა. 

ქვეყანა ბავშვების გარეშე

მსოფლიოში დღეში 16 000 ბავშვი იღუპება

შიმშილისგან, განკურნებადი ავადმყოფობებისგან, დაბინძურებული წყლისა და საჭმელისგან!

1 ბავშვი... ყოველ 5 წამში!

მსოლფიოში ყოველწლიურად 7 მილიონი ბავშვი იღუპება სიღარიბისგან! 

ბავშვების სიკვდილის 4 ძირითადი მიზეზია;

1. დიარეა ( იგივე ფაღარათი, ნაწლავთა გახშირებული მოქმედება რაც გაუწყლოებას იწვევს) 
2. მწვავე რესპირატორული დაავადება (გაციება)
3. მალარია (პარაზიტებით გავრცელებული ინფექციური დაავადება)
4. წითელა (მწვავე ინფექციური დაავადება)


დღეს ვაქცინაციით და მედიკამენტებით შესაძლებელია ოთხივე დაავადების პრევენცია და მკურნალობა! 


მსოფლიოში სულ 963 მილიონი ადამინი შიმშილობს. 


2009 წლის მონაცემებით მსოფლიოს მოსახლეობა სულ 6.7. მილიარდ ადამიანს შეაგენს.  

5.6 მილიარდი დაბალი და საშუალო შემოსავლების ეკონომიკის ქვეყნებში ცხოვრობს. 


1.4 მილიარდი სიღარიბის ზღვარს მიღმა ცხოვრობს. მათი შემოსავალი დღეში ერთ დოლარს და 25 ცენტს არ აღემატება. 

არასაკმარისი კვება აქვეითებს ადამიანების ჯანმრთელობას, ხელს უშლის ზრდას, ანელებს აზროვნების უნარს, იწვევს გონებრივ დაქვეითებას, იწვევს მრავალგვარ დაავადებას და სიკვდილს.  

2006 წელს 5 წლამდე ასაკის 9.7 მილიონი ბავშვი დაიღუპა. უმეტესობა სამხრეთ აფრიკასა და აზიის სამხრეთ რეგიონებში. 

დღეს სამხრეთ აფრიკის რეგიონებში 2 მილიონი ბავშვი არის დაავადებული აივ ვირუსით (შიდსით).

მესამე მსოფლიოს ქვეყნებში წელიწადში 20 მილიონი არასაკმარისი წონის ბავშვი იბადება. მათი სიცოცხლისუნარიანობა ძალიან დაბალია. გადარჩენილებს კი ხშირ შემთხვევაში ფიზიკური და გონებრივი პრობლემები მთელი ცხოვრება აწუხებთ. 

ქვეყანა ბავშვების გარეშე ასე უწოდებენ მალე ამ რეგიონებს.